I m ur Sunshine

Tum suraj ki arunayi
Main tumse door
Jal par kreeda karti
Matra teri parchayi....

Teri parchayi ko
Tadapte dekh
Jamana Anand pata hai,
Par tujhko kab ye
Bhaata hai....

Tera kaam
Khud jal kar
Jagti roshan karna,
Kaise ye sab
mujh bin
Tu kar payega ???

Teri kiran bankar
Tera ujala sab tak
Mitra tera pahunchayega,

Waise bhi
Hum donon ka
Kaam hai chalte rahna,

Sab sahna,
Kuch na kahna,
Bas dena,
Kuch na lena....
Isi main khush rahna....

Jab tak
Tujhmen aag hai
Tera astitva rahega,
Teri kiran bankar,
Tera shasvat dost
Tere sang sang bahega....

Or haan
Mere bin tera astitva to hoga
Par pehchaan, teri main hun,
Jindgi teri jwala,
shaan teri main hun,

Or main
Mera to vajood
Tumse hai,
Tumhari har aah
Se main tadap jata hun,
Tu baichain hota hai,
Main tabahi barpata hun,

Tu suraj
Tera ehsaas main hun,
Sab tumse door,
Tere paas main hun...

Anil Aarya...

Pyar

Pyar
Is labja ka artha
Bahut gahrai main paya
Or jana
Ki bas chahna
Or chahte jana
Uski yadoon main khona
Or khoye rahna
Usko paane ko tadapna
Usko kuch bhi na kahna
Fir bas tadapte rahna
Uske saath samay bitana
Or baki sabbbbb bhool jana
Bas ye hi to pyar nahi....

Uski khushi
Uske ehsaas
Uska har sapna
Uski pasand
Uske armaan
Uske jajbaat
Uska dil
Uska pyar
Agar in sab ki
hai parvaah
Hai koi ijjat
To ye hai pyar....

Or is sab ko samajana
Or fir
Ye kahana ki haan
Hai tumse pyar ab bhi,
Or haan
Pata hai jeena hai
Tere bina,
Tere bina bhi
tu sath hai mere
Mujhme kahin,
Jo kafi hai
Mere vajood ke liye,
To ye pyar hai....

Ye chun_na
Ki kisi ke sath rah kar
Us se door rahna,
Ya to us se door rah kar
Usko khud main
Zinda rakhna,
Kya jaruri hai
Mere liye ?
Uski khushi ke liye
Apne vajood ko
Thukra dena,
Yahi to pyar hai....

Jahaan tak jaan paya
Bataya ki
Bas yahi to pyar hai,
Or jaan jaaunga
Jeevan ke safar main,
Ki pyar kya hai ????
Haan pyar haarta nahi
Rota nahi
Jhukta nahi
Toot_ta bhi nahi
Chutata bhi nahi
Bhoolta nahi
Badalta nahi
Haan pyar miltaa bhi nahi...
Par saala khushi
Bahut deta hai....
AGAR PYAR SACHA HO
TO KABHI DARD DETA NAHI...
PYAR HAI EK ONE WAY ROUTE
JO BAS DETA HAI, KUCH LETA NAHI...

Anil Aarya...

Tum par do pankatiyan...

Tumhare laayak
shabda
Milte nahi,
Ab tumhi bataao
Tum par
Kya likhun,

Dil chahtaa hai
Tum par
Ved, kuran, bible
Ya Geeta likhun....
Pyar, mohabbat, ishq
Se badhkar hai
Prem ki satta,
Sochta hun
Rishte main
Main tumhe apna
Khuda likhun....

Anil Aarya...

Teri khushi

Mere dost
Luta dun apni dunia
Jo dikhe isme mujhe
Teri khushi,
Kuch hote hain
Jo bin kuch khoye
pa jaate hain
Sabki khushi,
Or ek main hun
Jo kho ke sab kuch apna
Kisi ke chehre pe nahi
La pata hansi....
Mere dost....

Jamaane se hamne
Kuch seekha nahi
Sikhaaya hai,
Jitni khayi dil pe chaut
Utna chehra
muskuraya hai,
Rab ke bande 'Anil' ko
Jara ye to bata
Jo chaut khayi hai to
Dukhiyon pe raham aaya hai...

Anil Aarya...

Nishabd...

Meri zindgi ke sabse
Haseen pal
Hote hain,
jab saath hoti hai tu...
Dil chahta hai
Tera hath thaam ke
Ghanton betha rahun
Nishabda...
Jab - jab tere labon pe
Thirkan aaye,
Un par rakh dun
Apne lab,
Or pee lun
tere andar ka sara jahar,
Or us nishabdata main
Shaur ho hamari
dhadhkanon ka...
Dil khol ke jeeun
Pyar ko, us ehsaas ko
Jo adhoora hai Tere bin,
Us jindgi ko,
Jismein har pal
Khatakti hai teri kami...
Dil karta hai
Dekhta rahun
Teri jheel si gahri
aankhon main,
Mita ke apna astitva
Kho jaun in aankhon ki
gehraiyon main kahin
Bhool ke jamane ke
sare gum
So jaun teri gaud
Main sar rakhkar...
Dil karta hai
Kahin door
pahaadon main hon
Main or tum,
Bhool jamane ko
Har pal ko jeeyen,
Har pal main ek din,
Har din main ek mahina
Har mahine main ek saal
Or saalon main saadiyon ko
Jee lene ki chaahat main
Aksar kho jaata hai
Mera dil....

Pata hai
Hain sab bevkufiyan
Mere pagal dil ki,
Maalum hai kahin na kahin
Ki Hai pyar wo cheej
Jo ho jaayegi dobara
Jeevan main kabhi,
Itni nahi to kam sahi
Hogi phir se dillagi yaro
Ya to behka lenge
Is paagal dil ko....
Dil chahta hai
Bhool jana sab kuch
Dhundhta hai
Jamaane ke gum ko
mita kar khushiyan,
Paata hai
apne gam main
Sukun,
Apni tadap main
Rahat,
Apne dukh main
Khushi,
Maayne nahi apne,
Apne liye bhi jisko
Jamana uski bhala
Soche bhi to kya ????
Dil chahta hai
Kho jana kisi gumnam
Sahar main,
Mita dena apna vajood...
Kar deta main dil ki
Sari khwahishein poori
Par koi hai
Jo hai mere
astitva se badhke...
Deta hai lagaam
Mere dussaahas ko,
Dil chahtaa hai jeena...
Tere sath
Par
Tere bina....

Anil Aarya....

Aurat

Hamara liye
Dard leti
Dard sahati
Dard main jeeti hai aurat

Har aadmi ko
Jiski hai jarurat
Wo sakshiyat hai aurat

Har samaaj ki
Aan, baan, shaan
Or samman hai aurat
Sach kahun to
Badi mahaan hai aurat

Maa, bahan, beti
Or hamsafar bankar
Rishton ko naye aayaam
Deti hai aurat,
Samaaj main
ghut ghut kar Jeeti,
Hamare diye ghaav
Nishabda seeti hai aurat...

Tahe dil se
Tere har rishte ko
Nibhayenge,
Jo cheena hai samaaj ne
Tera matrashakti ka pad
Sa_samaan wapis dilayenge....

Anil Aarya...