Kavita kya hai...

Ek din yun hi
Puchh liya kisi ne
Shabdon ke vyapaar main,
Kavita kya hai ???
Kyun bikti hai bazaar main ???

To main bola

Dil ki aag se
Nikalta dhuaan
Hai kavita,
Ek khoobsoorat sa
Pahlu anchhua
Hai kavita....

Kavita man ki pyas hai
Kavita ek nayi
Aas hai,
Kavita ek atoot
Vishvas hai,
Kavita kuch khaas
Ehsaas hai....

Or suno

Kavita bikti nahi

Anmol bhaavon
Ka bhaav
Kya koi laga payega !!!
Jo kharidane ayega
Wo khud hi bik jayega....

Wo to hum Kaviyon ka
Dil hota bada udaar hai,
Jinke dil nahi
Madhurtam sarita,
Kavita unhe
Uphaar hai....

Akhil vishva
Padhe kavita,
Nikhil jagat bahe
Sahitya sarita,
Karunamay hon
Anant apaar
Sukhmay ho
Saara sansaar.....
Kavita jagti ko
Hai Uphaar...
Anil Aarya ke yahi vichar..

Anil Aarya...