Vairagi

Main vairagi
Veetragi
Jamane ke sab bandhan
Tod aaya hun,
Main apna
Sara jahaan
Peeche chhod aaya hun...

Na koi dukh
Na pachtava koi
Koi moh maya nahi
Na bhulava koi
Jamane se muh mod aaya hun,
Main vairagi....

Teri bhakti
Meri shakti
Teri chahat
Meri mohabbat
Ye sab dunia walon se main
Bol aaya hun,
Main vairagi.....

Aaj imtihaan ki ghadi hai
Mujhko jamane ki padi hai
Ek cheej sab se badi hai
Us ki khaatir
Sab cheejon ko
Chhod aaya hun,
Main vairagi....

Mere antahkaran se pucho
Isme aaj ujala bahut hai
Jamane ki parwah karta hun
Isne mujhe sambhala bahut hai
Isi ki samriddhi ki khaatir
Khud se nata tod aaya hun,
Main vairagi.....

Vairagi....